Стихи Магзумова С.М.
"Патриоттық сезімдер"
Менің тілім – анам тілі
Жанұямның сөйлер тілі.
Мен білетін туыстардың
Сөйлесетін ортақ тілі.
Оқытқан мені – ұстазым тілі
Құрбы-құрдас, достар тілі
Ата-бабам, Абай, Мұхтар
Сөйлеп өткен қазақ тілі.
****************
Ақтоғайым
Ақтоғай ауылы – Атамекен елім менің
Туған жерім – жастайымнан төрім менің
Жусаны да, түтіні де, ызғары да,
Болып тұрар әрдайым балым менің.
Туған жерім – ойнап өскен алаңым
Туған жерім - тәтті күлкі базарым
Туған өлкем – неңдей қызық ғажап ең
Енді қайтып не беремін мен саған?
Аман болсам менде есейіп өсермін
Ауылым деп шың басына жетермін
Бар өмірім парызым деп еліме
Қоғам үшін адал еңбек етермін.
Ақтоғайым – деп соғады жүрегім
Өрлей берші, гүлдей берші - айтар менің тілегім.
Ауыл көрінісі
Өмірім бар, ауылда өтіп жатқан
Ризамын бәріне, тәңіріме жаратқан.
Туған жерім Ақтоғай, өз елімде
Куәсімін елімнің тағдырына, қайнап жатқан.
Болған едім жарты ғасыр, партиялық тәртіпте
Жігіт болдық, білім алдық, өткендерім есімде.
Бабаларым, даналарым айтқандары дәл болып
Елу жылда ел жаңарды заңдылықпен күшінде.
Бәрімізде таңқаластық шу еттік,
Бұл қалай деп, өзгеріске көз тіктік.
Заңдылықтан, ақиқаттан асатұғын күш бар ма?
Әр ұлтымыз өз алдына ел болуға ту тіктік.
Бұл жаңалық келіп жетті бізге де
Ауылдасым - жуас халық ізгі еді.
Ә дегенше, ортақ дүние түсіп кетті бөліске,
Кете барды, ортақ байлық азулы бас күштіге.
Шыға келдік, біріміз бай көпшілігі жай ғана
Осы болды жұмбақ сыры бір ғана.
Қоғам болдық бай мен кедей, жұмысы жоқ
Жаңа жүйе алып келген тың сана.
Қазақпыз ғой төзе білген бәріне,
Тосудамыз шығамыз деп, жақсылықтың төріне
Бірақтағы болар емес жақында
Келер емес кезегіміз үкіметтің есіне .
Көрудеміз , түсінеміз ел байлығы биікте
Әлеуметі, мәдениеті ол да өсті биікке.
Солай бола тұрсадағы шарықтап,
Тұрмысы тұр ауылымның өзгерместен жиекте.
Тұрғындарға, жұмыссыздық басты себеп болып тұр
Оған қоса қымбат баға бар шырынын сорып тұр.
О жаратқан, көре білші, әділеттің турасын
Болар ме екен азда болса, ауылыма тыныс бұл.
Шілде, 2007 жыл
Кіммін мен
Еленбейтін көптің бірі боламын
Түлегімін байтақ қырдың даланың.
Бар көргенім жетілгенше кең дала
Сол далада өсіп жеткен баламын.
Көрдім аздап үлкендердің тұрмысын
Бертін келе айқындадым болмысын.
Уа аталар болыпты ғой тарихың
Азапталған тіршіліктің қамы үшін.
Бұл іздерін кейінгіге сабақ қой
Ұрпақ үшін мақсатталған болыпты ой.
Осы ойларың, мақсаттарың мен үшін
Бүгіндерде нақтыланған мұра ғой.
Осы өмірде көрген – білген мұраны
Жастар үшін болсын дедім ұраны.
Еттім міндет өзімдіде жалықпай
Білсе екен деп жастарымыз тураны.
Ақтоғайым, табиғаты, көгершін
Туған жерім болды тарих мен үшін.
Қалайша мен тұра аламын сүйсінбей
Аға – буын беріп тұрса қол ұшын.
Айтып жүрмін білгенімше өткенді
Тарих қылып дана - жақсы болғанды.
Естелік пен мұражайға таңбалап
Қайталаудан шаршамадым жалғанды.
Менің ортам, көпті көрген есейді
Соларменен еске аламын өткенді.
Әңгіме думан қыздырамыз шоқтарын
Мақтан етем осылармен жүргенді.
Бар байлығым, менде бары төрт балам
Жалғыздық жоқ – туған елім айналам.
Тәңірім берген сана сезім күшімен
Жүріп келем, іздегенге бар болам.
Өмірім бар жай ғана қарапайым
Қалды күндер, қиналған бірер айым.
Ел қатарлы болсадағы қызықтар
Келіспеді жағдайым, болмады ойым.
Әлде болса мініп жүрген көлік жоқ
Басқалардай қалада менің үйім жоқ.
Адал еңбек, шындық жолда жүрсем де
Банкте пұлым, тұрмыста менің күйім жоқ.
Бар болғаны, сөре толы кітап бар
Іздегенге табылады ілім- білім азықтар.
Бір сәт тұрып ойластырсам кіммін деп
Өзіме - өзім айта алмадым сараптап.
Міне осылай өтіп барад өмірім
Шүкіршілік деумен ғана шектеліп.
Пайдасына қоғамның болса үлесім
Азаматтық борышым - өтелгені деп білем.
Күннен күнге сиреп барад қатарым
Әзіл айтар, дем беретін базарым.
Достар кетіп, туыстарым жоқ болды
Жетімдікті енді міне аңғарам.
Бұл өмірге түсіңбедім, толқыдым
Әділетті іздеп бақтым, таппадым.
Қайта – қайта айта бердім кіммін деп
Боларма екен жауаптары тап бүгін.
Жаңа жүйе алып келген бұл кезге
Қинап – ақ тұр, көпшілікті біздерді.
Дамыған ел, бай қорымен болғанмен
Бұйырып тұр тақыр кедей күндері.
Қазан, 2014
Қазағым менің қазағым
Білесің бе, қазақта бар ерекше көп қасиет
Айтып өткен аға буын, талай дана сан рет.
Өмір бойы ләззаттанып, құмарланып жүрсек те
Рұқсат берші қайталауға тағы-тағы бір рет.
Көп оқыдық, қанық болдық тарихы бар дәстүрге
Құмарлығым тынар емес тәрбиелі істерге.
Қазағымның дастарханы әрбір үйде жайылған
Керемет қой думан құрған сыйласатын бастарға
Белгілі ғой қазақта бар бас тамағы «бесмармақ»
Қонақ келсе, қой сойылып, бас мүшесі – сый болмақ.
Бұйраланған қазы-қарта, балдай тәтті шұжығы
Үйме болып, бу бұрқырап тартылады сый табақ.
Ата-бабам ықыласпен құрметтеген мейманын
Тарту еткен осылайша мал мен мүлкін жиғанын
Жомарттылық тән қасиет бізге біткен ерекше
Болайықшы адаспайтын, бекем болып бар жайға.
Қазақта бар ойын-сауық көп дәстүр
Түсінгенге үлкен қазына байлық бұл
Осы байлық қазағымда болсын деп
Абай, Мұхтар – жол көрсетіп айтып тұр
Бұл ойларым туып еді бір досымның кешінде
Көп айтылды ойлы сөздер дастархан үстел басында
Байқап тұрсам көп екен ғой алтын қор
Мен ізденіп, оқып білер, болар әлі жасымда.
Кейде отырам бұл қалай деп, ой үстінде толғанып
Десем дағы сабырлықпен шүкір етем ойланып
Шындығында біздің қазақ – қилы тарих кешкен ғой.
Сондықтан да күмәнсіз-ақ мақтанамын жайланып.